Jaka Bereg
Ing sawijine dina sawise mulih saka dolanan karo kaca –
kancane, Jaka Bereg katon susah atine. Dhewke ora gelem mangan lan praupane
katon mbesengut.
“Ana apa ta Ngger…? Teka
saka dolanan ora biyasane kowe kaya mengkene…?” Pitakone ibune.” Coba critakna
karo Ibu, apa sing mentas kokalami!” Pitakone Dewi Sangkrah kang uga akrab
diceluk Rara Blengoh. Ibune sing wis setengah umur, nanging isih katon ayu
blengah-blengeh, mulane wong Kampung Lidah nyeluk ibune Rara Blengoh.
“ Kulo mboten kiyat Bu.., saben dinten kula dipunundhamane
kaliyan kanca – kanca kula. Criyose kulo mboten gadah bapa, punika punapa
leres, Bu? Sinten Bu sudarma kula, Bu…?” Pitakone Jaka Bereg. “ Wis enggal
critakna wae apa anane marang Bereg, Ndhuk! Ngendikane Eyang Wangsadrana.
Ora krasa eluh wiwit tumetes ing pipine Rara Blengoh. Rara
Blengoh banjur nyikep putrane lan ngrangkul ngajak mlebu omah. Eyang
Wangsadrana ora krasa uga melu mbrebes.
“Saudaramu sejatine Adipati
Jayengrana ing Kadipaten Surabaya,Ngger. Mengko, yen awakmu wis diwasa
dakparengake sowan menyang Kadipaten. “
Rara Blengoh banjur nyritakake larah – larahane kadadeyan 13
taun kepungkur marang Jaka Bereg. Dheweke bisa mangerteni Manawa ibune mung
garwa selire sang Adipati. Sawise iku, Jaka Bereg katon ayem.
Jaka Bereg kalebu bocah sing sregep tumandang gawe. Saben
dina ngarit golek suket kanggo pakan sapine Eyang Wangsadrana. Ora lali dheweke
golek woh galing kanggo pakan pitik
jago klangenane. Pitik jago utawa sawunge
seneng mangan woh galing, mulane
wong - wong Kampung Lidah asring nyelukJaka Bereg kanthi sebutan Sawunggaling.
Sawise rampung, Eyang Wangsadrana ngajari Jaka Bereg olah kanuragan lan olah
kagunan sanjata.
Wis 3 taun kliwat anggone ngenteni palilahe ibune saperlu
sowan marang ramane ing kutha Kadipaten Surabaya. Jaka bEreg wis ora sabar.
Wekasane ibune ora kuwawa menggak niyate putrane.. Mulane Jaka Bereg banjur
pamitan marang ibu lan eyange. Eyang Wangsadrana wis ora kuwatir marang Jaka
Bereg, awit dheweke wis isa njaga dhiri samangsa-mangsa ana bebaya. Rara
Blengoh maringake Cindhe Puspita
peparinge garwane nalika isih mapan ing kutha kadipaten.
Satekane, Sawunggaling ora bisa sowan ing ngarsane ramene.
Ora sembarang wong bisa sowan. Ora ana siji wae prajurit sing bisa ngrangket
Sawunggaling, wekasane sing ngadhepi Sawunggaling putrane Adipati Jayengrana
karo garwa prameswari aran Sawungrana lan Sawungsari. . Senajan dikroyok,
Sawunggaling lan Sawungsari sing keteteran dhewe.
“Mandheg…!. He, bocah bagus… sapa jenengmu, lan saka ngendi
pinangkamu?” Pitakone Adipati Jayengnara. “Kula pun Jaka Bereg, Gusti.
Tiyang – tiyang jejeluk
kula Sawunggaling. Kula putranipun kanjeng ibu Rara Blengoh, eyang kula
Wangsadrana. Kula mriki naming kepingin suwita lan ngabdi dhateng panjenengan.
Sang Adipati kaget. “Lha, bapakmu aran sapa bocah bagus ? Apa
ibumu saiki wis kagungan garwa maneh ?” pitakone Adipati.
“Ngendikanipun kanjeng ibu,
rama kula Adipati Jayengrana. Niki Cindhe
Puspita kagungane ibu, minangka bukti menawi kula putranipun kanjeng ibu
Rara Blengoh.” Adipati Jayengrana eling rikala semana nate maringake Cindhe Puspita kasebut sadurunge pisah
karo Rara Blengoh. Batine Sang Adipati ngendikan, ora kleru maneh Manawa bocah
bagus kasebut ora liya putrane dhewe.
“Sawunggaling ora kleru
maneh Thole. Aku ramamu cah bagus.” Pengendikane Adipati karo nyikep
Sawunggaling. Sawungrana lan Sawungsari ditepungake marang Sawunggaling, yen
sejatine Sawunggaling isih adhine dhewe. Tekane Sawunggaling mung dadi
pepalange nggenteni kalenggahan ramane. Mangkono pamikire sedulur-sedulure.
Ing sawijine dina,
Kadipaten Surabaya katekan Kompeni Walanda. Para prajurit Kompeni ngrabsa
Kadipaten Surabaya, merga Adipatijayengrana ora gelem diajak kompromi marang
Walanda. Adipati Jayengrana gugur ing glanggang payudan nalika perang mungsuh
Walanda.
Kanggo ngisi kosonge paprentahan ing Kadipaten Surabaya, Ratu
ing Tanah JAwa Kanjeng Sinuwun Sri Pakubuwana I ing Kraton Kartasura nganakake
sayembara.. Sapa wonge kasil nyodor Umbul
– Umbul Yuda ing Pucuking Menara Galah bakal diparingi bebana dadi Satriya
Pinunjul lan sinengkakake ing ngaluhur dadi Adipati ing Kadipaten Surabaya..
para satriya kang unggul padha melu sayembara kalebu Saunggaling, Sawungsari,
lan Sawungrana. Kabeh satriya padha nyoba disekseni Kanjeng Sinuwun Pakubuwana
I ing alun – alun Kutharaja Kartasura. Sawunggaling sing teka keri kasil
menangake sayembara. Pungkasane Sawunggaling winisuda dadi Satriyatama lan
diangkat dadi Adipati Surabaya kanthi gelar Kanjeng Adipati Jayengrana II.
Sawunggaling nerusake perjuangan ramane mbebasake Surabaya
saka Walanda.. Para warga ing Kadipaten Surabaya saiyeg saekakapti mbangun
Kadipaten Surabaya. Keluargane Sawunggaling kaboyong soko Kampung Lidah menyang
Kadipaten Surabaya. Para kawula urip ayem lan tentrem. . Jiwa kasatriyane
Sawunggaling sing apik ndadekake kawulane banget nresnani marang junjungane.
Kahanan iki ndadekake sumelange panjajah Walanda. Pungkasan crita, Kompeni
Walanda ngerigake bala tentarane kanthi sanjata sing luwih maju lan modern.
Sawunggaling gugur ing madyaning palangan rikala dumadi perang gedhe antarane
Kadipaten Surabaya mungsuh Walanda. Sawunggaling gugur dadi kusumaning bangsa
lan asmane angganda arum nganti saiki ing madyaning warga kutha Surabaya.
0 komentar:
Posting Komentar